2005 Miralles

J. Miralles Climent. BPC, 2005

Les Noticies (13/03/2005)

El carlismu ye ún de los fenómenos políticos más peculiares de los sieglos XIX y XX, un movimientu que ye quien a aglutinar los intereses e idees más dispares y que siempre se distinguió pola so insólita capacidá de supervivencia a les circunstancies alverses. Dende les primeres revueltes populares hacia 1830, cola cuestión dinástica como tresfondo, hasta’l socialismu autoxestionariu d’anguaño, cercanu a les reivindicaciones de les naciones ensin estáu, el carlismu foi sufriendo una evolución qu’ilustra a la perfección les tensiones polítiques y sociales de cada momentu históricu n’España.

El Carlismo frente al estado español: rebelión, cultura y lucha política” fai un repás de la historia del carlismu al través de dalgunos de los sos momentos más significativos y incidiendo nel perfil políticu progresista del movimientu, más coherente de lo que parez nuna primer aproximación. A destacar los capítulos dedicaos a la llucha anti-franquista.

Anuncios